有年轻朋友打算买一个中型住宅单位,问我点样才可以做到九成按揭,即使楼价下跌,都唔会被银行call loan,佢又唔想买按保,因为保费很昂贵,我知道年轻朋友的资质唔错,学历又好,可以随随便便搵一份收入唔错的工,就算打政府工都冇问题,但买楼都唔可以做到九成按揭,除非⋯⋯。
我同年轻朋友讲,只有一个途径买楼可以做到九成按揭,就系去银行打工,估计以朋友的外表学历,入职银行是没有问题,好多人唔知道,原来银行职员可以借九成按揭买楼,而且利息比正常低很多,所以,银行职员大多数会问银行借钱买楼,有咁著数,真系唔买楼就笨。
如果唔系政府撤了辣,我是不会叫年轻朋友去银行打工,即使可以借到九成按揭,但辣招令购买力大幅减少,一个没有购买力楼市,楼价又点会上升,问银行借九成,物业很容易变成负资产,揸住一个负资产在银行打工,就要勤勤力力,唔好迟到早退,唔好无端端唔返工,唔好得罪上司,否则被炒鱿就大件事,要即时清还银行欠款,而事实上有很多银行职员所买的单位都变成负资产,所以,他们明知向借贷不高於五成的按揭客户call loan是野蛮行为,但前线银行职员每一个都唔敢反抗,安安静静完成银行交低的任务。
其实的确有些怪异,一个持有负资产的银行职员向一个借贷不足五成的业主追收差额,被call loan的业主当然唔满意,由於被银行call loan,他们被迫卖走只欠债五成的物业,当利息下调,美元转弱,楼价就会回升,曾经持有负资产的银行职员,可以大声笑住同人讲,只要坚持,楼价一定会回升,至於被银行call loan而将物业卖走的业主就无话可说,或者,如果唔想被call loan,最好去银行打工。